കോട്ടയം അതിരൂപതയുടെ സാമൂഹിക സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് സംസ്ഥാന കൃഷി വകുപ്പിന്റെ പങ്കാളിത്തത്തോടെ സംഘടിപ്പിക്കുന്ന 25-ാമത് ചൈതന്യ കാര്ഷികമേളയോടും സ്വാശ്രയ സംഘ മഹോത്സവത്തോടും അനുബന്ധിച്ച് ഒരുക്കിയിരിക്കുന്ന കാര്ഷിക വിള പ്രദര്ശന പവിലിയന്റെ ഉദ്ഘാടനം കോട്ടയം ജില്ലാ കളക്ടര് ജോണ് വി. സാമുവേല് ഐ.എ.എസ് നിര്വ്വഹിച്ചു. കോട്ടയം അതിരൂപത സഹായ മെത്രാന് ഗിവര്ഗ്ഗീസ് മാര് അപ്രേം ചടങ്ങില് അദ്ധ്യക്ഷത വഹിച്ചു. കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, അതിരമ്പുഴ ഗ്രാമപഞ്ചായത്ത് പ്രസിഡന്റ് ജോസ് ജോസഫ് അമ്പലക്കുളം, കോട്ടയം മുനിസിപ്പല് ചെയര്പേഴ്സണ് ബിന്സി സെബാസ്റ്റ്യന്, ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ്, കോട്ടയം അതിരൂപത പാസ്റ്ററല് കോര്ഡിനേറ്റര് റവ. ഡോ. മാത്യു മണക്കാട്ട്, കോട്ടയം ജില്ലാ പഞ്ചായത്ത് മെമ്പര് ഡോ. റോസമ്മ സോണി, ഏറ്റുമാനൂര് ബ്ലോക്ക് പഞ്ചായത്ത് മെമ്പര് ജോര്ജ്ജ് കുര്യന്, കെ.എസ്.എസ്.എസ് അസി. ഡയറക്ടര് ഫാ. ഷെറിന് കുരിക്കിലേട്ട്, കെ.എസ്.എസ്.എസ് കോര്ഡിനേറ്റര് മേരി ഫിലിപ്പ്, കര്ഷക പ്രതിനിധികള്, കെ.എസ്.എസ്.എസ് സ്റ്റാഫ് അംഗങ്ങള് തുടങ്ങിയവര് ചടങ്ങില് പങ്കെടുത്തു. കെ.എസ്.എസ്.എസ് സ്വാശ്രയസംഘാംഗങ്ങളുടെയും കര്ഷക പ്രതിനിധികളുടെയും നേതൃത്വത്തില് വൈവിധ്യങ്ങളായ കാര്ഷിക വിളകളുടെ വിപുലമായ ശേഖരമാണ് വിളപ്രദര്ശന പവിലിയനോടനുബന്ധിച്ച് ക്രമീകരിച്ചിട്ടുള്ളത്.
കാര്ഷിക മേളയുടെ ഉദ്ഘാടന ദിവസമായ ഇന്ന് കാര്ഷിക സ്വാശ്രയത്വ ദിനമായിട്ടാണ് ആചരിക്കുന്നത്. ഉച്ചയ്ക്ക് 1.45 ന് കെ.എസ്.എസ്.എസ് സ്വാശ്രയസംഘാംഗങ്ങളുടെ കലാപരിപാടികളോടെയാണ് മേളയ്ക്ക് തുടക്കം കുറിക്കുക. 2.30 ന് നടത്തപ്പെടുന്ന കാര്ഷിക സ്വാശ്രയസംഘ മഹോത്സവ ഉദ്ഘാടന സമ്മേളനത്തില് കോട്ടയം അതിരൂപത മെത്രാപ്പോലീത്ത മാര് മാത്യു മൂലക്കാട്ട് അദ്ധ്യക്ഷത വഹിക്കും. സ്വാശ്രയസംഘ മഹോത്സവത്തിന്റെ ഉദ്ഘാടനം സഹകരണ തുറമുഖ ദേവസ്വം വകുപ്പ് മന്ത്രി വി.എന് വാസവനും കാര്ഷിക മേളയുടെ ഉദ്ഘാടനം കൃഷിവകുപ്പ് മന്ത്രി പി. പ്രസാദും നിര്വ്വഹിക്കും. ജോസ് കെ. മാണി എം.പി, തിരുവഞ്ചൂര് രാധാകൃഷ്ണന് എം.എല്.എ, തോമസ് ചാഴികാടന് എക്സ്.എം.പി, സംസ്ഥാന ന്യൂനപക്ഷ വികസന ധനകാര്യ കോര്പ്പറേഷന് ചെയര്മാന് സ്റ്റീഫന് ജോര്ജ്ജ് എക്സ്. എം.എല്.എ എന്നിവര് വിശിഷ്ടാതിഥികളായി പങ്കെടുക്കും. കെ.എസ്.എസ്.എസ് മുന് ഡയറക്ടറും അമേരിക്കയിലെ ഹ്യൂസ്റ്റണ് സെന്റ് മേരീസ് ക്നാനായ കാത്തലിക് ചര്ച്ച് വികാരിയുമായ റവ. ഫാ. അബ്രാഹം മുത്തോലത്ത് മുഖ്യപ്രഭാഷണം നടത്തും. അതിരമ്പുഴ ഗ്രാമപഞ്ചായത്ത് പ്രസിഡന്റ് ജോസ് ജോസഫ് അമ്പലക്കുളം, ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ്, കോട്ടയം അതിരൂപത പ്രസ്ബിറ്ററല് കൗണ്സില് സെക്രട്ടറി റവ. ഫാ. അബ്രഹാം പറമ്പേട്ട്, കോട്ടയം പ്രിന്സിപ്പല് അഗ്രിക്കള്ച്ചറല് ഓഫീസര് ജോ ജോസഫ്, സെന്റ് ജോസഫ് കോണ്ഗ്രിഗേഷന് സുപ്പീരിയര് ജനറല് സിസ്റ്റര് അനിത എസ്.ജെ.സി, ക്നാനായ കാത്തലിക് യൂത്ത് ലീഗ് പ്രസിഡന്റ് ജോണീസ് പി. സ്റ്റീഫന്, കെ.എസ്.എസ്.എസ് അസി. ഡയറക്ടര് ഫാ. ഷെറിന് കുരിക്കിലേട്ട് എന്നിവര് ആശംസകള് അര്പ്പിച്ച് സംസാരിക്കും. സമ്മേളനത്തോടനുബന്ധിച്ച് മുകളേല് മത്തായി-ലീലാമ്മ സംസ്ഥാനതല കര്ഷക കുടുംബ പുരസ്ക്കാര സമര്പ്പണവും നടത്തപ്പെടും. വൈകിട്ട് 6.30 ന് ആലപ്പുഴ പതി ഫോക് മ്യൂസിക് ബാന്റ് അവതരിപ്പിക്കുന്ന പാട്ടോലം – ഫോക് ലഗസി മെഗാ ഷോയും അരങ്ങേറും.
കാര്ഷിക വിളകളുടെ വിപുലമായ ശേഖരവുമായി ചൈതന്യ കാര്ഷിക മേളയില് വിളപ്രദര്ശന പവിലിയന്
October 24, 2025
